Uçuşların ilkin olaraq bərpa olunacağı yer açıqlandı

“Uçuşlar, ilkin olaraq, Naxçıvanla bərpa ediləcək”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib.

O qeyd edib ki, sərhədlərin açılması iyunun 15-dən sonraya nəzərdə tutulub:

“Sərhədlərin açılması və uçuşların bərpası üçün proqram hazırlanır”.

“Beynəlxalq aviareyslərin bərpası xüsusi meyarlarla aparılacaq”. Bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

“Qonşu ölkələrdəki vəziyyət təhlil olunacaq. İyunun 15-dən bəzi ölkələr üzrə gediş-gəlişin bərpası mümkün ola bilər”, - deyə sədr vurğulayıb.

İ. Məmmədov əlavə edib ki, bu axşam saat 8-də İstanbuldan Bakıya 174 nəfər azərbaycanlı  gələcək.