Umayra Tağıyeva: "Atmosferdə çirkləndirici maddələr 30-35 faiz artıb"

"May ayının monitorinqləri göstərir ki, karantin rejiminin yumşaldılması tədbirlərindən sonra atmosferdə çirkləndirici maddələrdə cüzi də olsa, 30-35 faiz artıb".

Bunu Milli Hidrometeorologiya Xidmətinin rəisi Umayra Tağıyeva Nazirlər Kabineti yanında Operativ Qərargahın brifinqində çıxışı zamanı deyib.

O bildirib ki, əvvəlki aylarda isə atmosfer havasında müsbət dəyişiklik müşahidə olunurdu: "Nəqliyyatın sıx olduğu Neftçilər, Nobel, Q.Qarayev prospektləri, Ukrayna dairəsində ölçü işləri göstərir ki, mart ayı ilə müqayisədə çirklənmə 45-50-faizə qədər azalıb". ("Report")