Üstümüzə yağış gəlir-PROQNOZ

Sabah Bakıda və Abşeron yarımadasında buludlu hava şəraiti üstünlük təşkil edəcək. Gün ərzində fasilələrlə yağış yağacağı gözlənilir. Proqnozlar Bürosundan Avtosfer.az-a daxil olan məlumata görə, mülayim şimal-qərb küləyi, gündüz arabir güclənəcək. Havanın temperaturu gecə  3-5° isti,  gündüz  7-9° isti, Bakıda gecə 3-5° isti, gündüz  7-9° isti olacağı gözlənilir. Atmosfer təzyiqi  758 mm civə sütunundan 763 mm civə sütununa yüksələcək. Nisbi rütubət  85-95 % təşkil edəcək. Azərbaycanın rayonlarında isə, gecə və səhər bəzi yerlərdə duman, çiskinli olacağı, gün ərzində arabir yağış, dağlıq və dağətəyi rayonlarda sulu qar, qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə  0-5° isti, gündüz 7-12° isti, dağlarda gecə 1-6° şaxta, gündüz  1° şaxtadan 4°-dək isti olacağı gözlənilir.

Fidan