Vaqif Əsədov hərbçiləri peşə bayramı münasibəti ilə TƏBRİK EDİB - FOTO

Təqaüddə olan polis polkovniki Vaqif Əsədov hərbi qulluqçuların peşə bayramı münasibətilə təbrik ünvanlayıb.

Avtosfer.az-a müsahibəsində o bildirib ki, bu əlamətdar gün Vətənin müdafiəsində xidmət göstərən hərbi qulluqçuların əməyinə verilən yüksək dəyərin göstəricisidir.

Vaqif Əsədov bütün hərbi qulluqçuları peşə bayramı münasibətilə təbrik edərək onlara möhkəm cansağlığı, uzun ömür və xidmətdə uğurlar arzulayıb.

“Bu münasibətlə Vətən uğrunda canından keçən şəhidlərimizi dərin ehtiramla yad edir, onların ruhuna Allahdan rəhmət diləyirəm. Şəhid ailələrinə səbir, qazilərimizə isə möhkəm cansağlığı arzulayıram”, – deyə o qeyd edib.

Təqaüddə olan polis polkovniki vurğulayıb ki, Azərbaycan Silahlı Qüvvələri ölkənin təhlükəsizliyinin və ərazi bütövlüyünün qorunmasında mühüm rol oynayır.

“Bir Azərbaycan vətəndaşı olaraq bütün hərbi qulluqçularımızı peşə bayramı münasibətilə səmimi qəlbdən təbrik edir, onlara gələcək fəaliyyətlərində uğurlar arzulayıram”, – deyə Vaqif Əsədov əlavə edib.

Səfər