“Vətən müharibəsində xalqımız mənəvi keyfiyyətlərini dünyaya nümayiş etdirdi” - Prezident

"Vətən müharibəsində Azərbaycan xalqı öz mənəvi keyfiyyətlərini bütün dünyaya nümayiş etdirdi".

Avtosfer.az AZƏRTAC-a istinadən xəbər verir ki, bu sözləri Prezident İlham Əliyev Zəfər Günü münasibətilə Azərbaycan xalqına təbrikində deyib.

Ermənistanın işğal edilmiş ərazilərdə bir neçə istehkam, bəzi yerlərdə 6-7 müdafiə xətti qurduğunu, bütün yerlərin minalandığını söyləyən dövlətimizin başçısı deyib: "Tikanlı məftil, istehkamlar, əlverişli mövqelər, təpələr, dağlar - bütün bunlar bizim üçün böyük çətinliklər yaradırdı. Ermənistan tərəfi əmin idi ki, Azərbaycan öz torpaqlarını hərbi yolla azad edə bilməyəcək, yaxud da ki, kimsə bizə bu icazəni verməyəcək. Onlar səhv etdilər və Azərbaycan xalqı bir daha bütün dünyaya nə qədər böyük xalq olduğunu göstərdi".