Xaçmazda 15 kəndin sakinlərinin istifadə etdiyi körpü yenidən tikilib - FOTO
Gündəm
10 Avqust 2020 19:45
Oxunub 1364
Xaçmaz rayonunun Dədəli kəndində Qusarçay çayı üzərində inşa olunan avtomobil körpüsü sakinlərin istifadəsinə verilib. Dədəli və Uzunoba kəndləri arasındakı tikilən körpünün eni 4, uzunluğu isə 9 metrdir. Körpünün 16 tona qədər yük götürmə qabiliyyəti var. 2009-cu ildə çaya gələn sel nəticəsində dağılan körpünün yenilənməsinə cari ilin aprel ayında başlanılıb və 3 ay ərzində başa çatdırılıb. Yeni körpüdən ümumilikdə ətraf 15 kənddə yaşayan 7 mindən çox sakin faydalanır. Körpü tikilməmişdən əvvəl sakinlərin rayon mərkəzinə getmək üçün əlavə olaraq 20 kilometrə yaxın məsafə qət etməli olurdular. Yeni körpüdə vətəndaşların rahat və təhlükəsiz hərəkəti üçün şərait qurulub. (AZƏRTAC)
ŞƏRH YAZ