Xaçmazda ötən ay "07" qaçıran şəhər sakini saxlanılıb

Xaçmazda avtomobil qaçıran şəhər sakini yaxalanıb. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, Xaçmaz Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində martın 19-da şəhər ərazisindən Həbibkənd kənd sakini A.Alışovun “VAZ-2107” markalı avtomobilini qaçırmaqda şübhəli bilinən şəhər sakini Ş.Zeynalov saxlanılıb.

Faktla əlaqədar Cinayət Məcəlləsinin 185-ci (talama məqsədi olmadan qanunsuz olaraq avtomobil və ya başqa nəqliyyat vasitəsi ələ keçirmə) maddəsi ilə cinayət işi başlanıb. 

Namiq Musayev