Xocalı polisi COVİD-19-la mübarizə tədbirlərini davam etdirir - FOTO

Xocalı Rayon Polis Şöbəsinin əməkdaşları tərəfindən COVİD-19 pandemiyasının qarşısının alınması istiqamətində tədbirlər davam etdirilir. DİN Mətbuat Xidmətinin Gəncə regional qrupundan Avtosfer.az-a verilən məlumata görə, RPŞ-nin əməkdaşları tərəfindən məcburi köckünlərin məskunlaşdığı Goranboy rayon Ağcakənd qəsəbəsində koronavirus pandemiyasının əhatə dairəsinin genişlənməsinin qarşısının alınması məqsədi ilə mütəmadi qabaqlayıcı tədbirlər görülür. Həmçinin şöbə əməkdaşları sosial müavinətlərin və təqaüdlərin verilməsi ilə bağlı yerli idarələrin və bankların önündə yarana biləcək sıxlığın qarşısının alınması məqsədi ilə həmin ərazilərə ciddi nəzarət edir, vətəndaşlara sosial məsafənin saxlanılmasının onların sağlamlıqları üçün mühüm əhəmiyyət kəsb etdiyi barədə məlumat verirlər.

Sakinlərə tibbi maska paylayan Xocalı RPŞ-nin əməkdaşları bu həssas zamanda hər kəsə diqqətli olmağı, gigiyenik qaydalara riayət etməyi tövsiyə edib.

Namiq Musayev