Yaponiyada 100-dən artıq aviareys ləğv edildi

Yaponiyanın aviaşirkətləri tayfun səbəbindən 119 daxili aviareysi ləğv ediblər. Cədvəllərdəki dəyişikliklər əsasən Yaponiyanın cənubundakı Kaqosima və Okinava prefekturalarındakı hava limanlarından uçuşlara təsir edib.

Bildirilir ki, tayfun nəticəsində həmçinin 8 nəfər xəsarət alıb.

Məlumata əsasən, hazırda tayfun Çin istiqamətində irəliləyir. Tayfunun mərkəzində küləyin sürəti saniyədə 45 metr təşkil edir. (Trend)