Yaponiyada sərnişin qatarı relsdən çıxıb

Yaponiyada sərnişin qatarı qəzaya uğrayıb. Avtosfer.az xəbər verir ki, insident iyunun 12-də səhər saatlarında Tokio şəhərinin “Aoto” stansiyasında qeydə alınıb. Bu barədə “Kyodo” agentliyi məlumat yayıb.

Məlumata görə, paytaxtın “Narita” aeroportuna gedən qatar relsdən çıxıb. Nəticədə ölən və ya xəsarət alan olmayıb.

Dəmir yolunun bu istiqamətində hərəkət dayandırılıb.

Hazırda hadisənin baş vermə səbəbləri araşdırılır.

Namiq Musayev