Yaponiyada yenidən rekord yoluxma qeydə alındı

Yaponiyada aprel ayının 11-dən sonra ilk dəfə bir gündə rekord miqdarda COVID-19 koronavirusuna yoluxma halı qeydə alınıb. Bir gündə koronavirusa yoluxanların sayı 600-ü keçib. Belə ki, son sutka ərzində infeksiyaya 655 yoluxma qeydə alınıb.

Bildirilir ki, aprelin 11-də 720 nəfərin COVID-19 testi müsbət olub.

Beləliklə iyulun 18-də bütün Yaponiya üzrə koronavirusa yoluxanların sayı 25 628 nəfərə çatıb, 986 nəfər həyatını itirib. Onlardan 42-sinin vəziyyəti ağırdır. (“Report”)