Yol polisi yolda qalan sürücüyə belə kömək edib - FOTO

2 gün əvvəl şəxsi işimlə əlaqədar Xızı rayonuna getməli oldum. Xızı rayonun girəcəyində mənə məxsus olan avtomobilin təkəri partlayaraq tamamilə sıradan çıxdı. Tərslikdən nə  ehtiyat təkərim nədə ki, təkəri açmaq üçün avadanlıqlarım yox idi. Yol kənarında dayanmış Xızı rayon Dövlət yol polisi əməkdaşları Manafov Ələşrəf Səbuhi oğlu və Ağayev Xəyal Eldar oğlu mənə yaxınlaşaraq  köməklik göstərməyə başladılar. DYP-nin əməkdaşları maşının təkərini çıxardaraq öz xidməti maşınları ilə təkəri xeyli aralıda yerləşən təkər təmiri sexinə aparıb təmir etdirdilər və yenidən onu avtonəqliyyat vasitəsinin üzərinə qoyulmasında da mənə köməklik göstərdilər. Etiraf edim ki, DYP-nin əməkdaşları xidmətdə olduqlarından mənə bu qədər kömək edəcəklərini gözləmirdim. Hər zaman yaxın dostlarımdan eşidirdim ki, qərb qonşumuz olan Gürcüstan respublikasının DYP-nin əməkdaşları insanlara belə köməkliklər göstərir, hardasa bir insan olaraq bu kimi hallara yaxşı mənada həsəd aparırdım. Öz doğma torpağımda da bunu görmək mənə nəsib oldu və inanın ki, bu çox qürurvericidir. Arzu edirəm ki, bütün Azərbaycan Polisimiz xalqının xidmətində belə dursun. Mən bir daha Xızı rayon DYP-nin bu iki polis inspektorlarına dərin təşəkkürümü bildirirəm. Var olun.

 Elnur Abbaszadə