Yol təmirində işləyənlərlə bağlı - AAYDA-dan açıqlama

Avtomobil Yolları Dövlət Agentliyi (AYDA) xüsusi karantin müddətində yollarda gedən təmir işlərinin dayandırılmaması səbəbindən işçilərin həyatı təhlükəsinin olması ilə bağlı narazılıqlara aydınlıq gətirib.

Avtosfer.az-ın məlumatına görə qurumun sözçüsü Anar Nəcəfli “Qafqazinfo”ya bildirib ki, işlər görülən zaman bütün profilaktik qaydalara əməl olunur:

“Hazırda yol təmiri işləri dayandırılmayıb. Bununla bağlı hər hansı göstəriş, qərar olmayıb. Hər bir fəhlə işə çıxmazdan öncə yoxlanılır, temperaturu ölçülür. İş zamanı da ən azı metr yarım, 2 metrlik məsafə gözlənilir. Bizdə işlər əsas texnikalarla həyata keçirildiyindən məsafənin gözlənilməsində problem yoxdur. Əl işləri zamanı da bütün qaydalara tam riayət olunur”.