"Yoluxma hallarının 51,3 faizi Bakının payına düşür"

“Xəstəliyin yoluxma sayının dəyişməsinin tendensiyası vacib amildir. Mənfi dinamikanın düzəlməsinə ehtiyac var”. Bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində deyib.

O qeyd edib ki, karantinin ilk həftəsindən etibarən sağalanların sayının artmasında müsbət dinamika müşahidə olunub: “Sağalanların sayı yeni yoluxanların sayından artıq olmalıdır ki, xəstəxanaların yükü də azala bilsin”.

O qeyd edib ki, yoluxma hallarının 51,3 faizi Bakının payına düşür: “Binəqədi 12.8%-lə ilk yerdədir. Son günlər Nəsimi rayonunda da yoluxma sayında artım müşahidə edilir”.