Yük avtomobilindən qanunsuz mobil telefonlar aşkarlanıb - FOTO

Gömrük nəzarətindən gizlədilən mobil telefonlar aşkarlanıb. Dövlət Gömrük Komitəsinin Mətbuat və İctimaiyyətlə Əlaqələr İdarəsindən Avtosfer.az-a verilən məlumata görə, Şimal Ərazi Baş Gömrük İdarəsinin Əməliyyat və təhqiqat şöbəsinə daxil olan məlumat əsasında Rusiyadan “Samur” gömrük postunun idxal gömrük nəzarəti xəttinə daxil olan Azərbaycan vətəndaşının idarə etdiyi “DAF” markalı yük avtomobili saxlanılıb və gömrük baxışı keçirilib. Yoxlama zamanı nəqliyyat vasitəsində gömrük nəzarətinə bəyan edilməyən, qutusu və aksesuarları olmayan 5 ədəd “iPhone 11 Pro Max Midnight Green 256 GB” markalı mobil telefon aşkarlanıb.

Faktla bağlı araşdırma aparılır.

Namiq Musayev