Yük avtomobilindən qanunsuz spirtli içkilər aşkarlanıb - FOTO

Gömrük nəzarətindən gizlədilən spirtli içkilər aşkarlanıb. Dövlət Gömrük Komitəsinin Mətbuat və İctimaiyyətlə Əlaqələr İdarəsindən Avtosfer.az-a bildirilib ki, Şimal Ərazi Baş Gömrük İdarəsinin “Samur” gömrük postunda Rusiya istiqamətindən idxal gömrük nəzarəti xəttinə daxil olan Azərbaycan vətəndaşının “DAF” markalı yük avtomobili saxlanılıb və gömrük baxışı keçirilib. Yoxlama zamanı nəqliyyat vasitəsinin kabinəsində olan soyuducunun içərisində gömrük orqanına bəyan olunmayan 11 ədəd 0,7 litrlik “The Macallan 12” markalı spirtli içki aşkarlanıb.

Faktla bağlı araşdırma aparılır.

Namiq Musayev