Yük avtomobillərindən qanunsuz siqaretlər aşkarlanıb - FOTO

Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında siqaretlərin ölkəyə qanunsuz yolla gətirilməsi cəhdinin qarşısı alınıb.

DGK-dan Avtosfer.az-a verilən məlumata görə, "Qırmızı Körpü" gömrük postunda Gürcüstandan gələn "DAF" və "Mercedes-Benz" markalı yük avtomobilləri saxlanılıb, gömrük baxışı keçirilib. Yoxlama zamanı nəqliyyat vasitələrinin gizli saxlanc yerlərindən 3000 ədəd "Marlboro" markalı siqaret aşkarlanıb.

Faktla bağlı araşdırma aparılır.

Namiq Musayev