Yük avtomobillərindən siqaret və dərman preparatları aşkarlandı – FOTO

Qərb Ərazi Baş Gömrük İdarəsinin əməkdaşları dərman preparatları və siqaretlərin qanunsuz yolla ölkə ərazisinə gətirilməsinin qarşısını alıblar. DGK-dan Avtosfer.az-a verilən məlumata görə, Baş İdarənin "Mazımçay" gömrük postunda Gürcüstandan gələn "Mercedes Benz" markalı iki yük nəqliyyat vasitəsi saxlanılıb və gömrük baxışı keçirilib.

Yoxlama zamanı avtomobillərin gizli saxlanc yerlərindən gömrük nəzarətinə bəyan edilməyən 3000 ədəd "Marlboro edge" markalı siqaret, 824 ədəd və 2 flakon müxtəlif adda dərman preparatları aşkar edilib.

Hər iki faktla bağlı araşdırma aparılır.

Namiq Musayev