Yükdaşımaya məhdudiyyət yoxdur, ərzaq çatışmazlığı ilə bağlı iddialar əsassızdır - VİDEO

Azərbaycana gələn və ölkədən aparılan yüklərə heç bir məhdudiyyət yoxdur. Buna görə də ölkədə ərzaq, eləcə də zəruri qida vasitələrinin çatışmazlığı ilə bağlı heç bir narahatlığa əsas yoxdur.

Avtosfer.az xəbər verir ki, bu barədə "Xəzər Xəbər”ə açıqlama verən Dövlət Avtomobil Nəqliyyat Xidmətinin şöbə müdiri Nuridə Allahyarova yüklərdə azalma olmadığına da diqqət çəkib.

Qurumun sözçüsü onu da qeyd edib ki, yükləri daşıyan nəqliyyat vasitələrinin sürücüləri də ciddi şəkildə nəzarətdə saxlanılır.

Qeyd edib ki, ölkəyə xaricdən gətirilən ərzaq məhsullarının təhlükəsizliyi üçün də bütün tədbirlər görülür.

Onu da qeyd edək ki, sosial şəbəkələrdə bəzi şəxslər tərəfindən ərzaq qıtlığı ilə bağlı problemlərin yarana biləcəyi iddia olunurdu. Ancaq rəsmi qurumlar yükdaşımalarda hansısa məhdudiyyət olmadığı üçün belə iddiaların əsasının olmadığını açıqlayıblar.