Zaqatalada çoban qayadan yıxılaraq ölüb

Zaqatalada çoban yüksək dağlıq ərazidə sıldırımlı qayadan yıxılaraq ölüb.

Avtosfer.az xəbər verir ki, hadisə iyulun 20-də axşam saatlarında baş verib.

Rzayonun Muxax kənd sakini, 1970-ci il təvəllüdlü Əmir Ramazan oğlu Ağayev rayonun Sabunçi kəndi yaxınlığında, “Daşkəsən” adlanan yüksək dağlıq ərazidə sıldırımlı qayadan dərəyə yıxılıb. Ə.Ağayev yıxıldığı yerdə yaralı vəziyyətdə bu gün günorta saatlarına kimi tək və köməksiz qalıb. Ə.Ağayevi çoban yoldaşları yıxıldığı ərazidən taparaq kəndə gətirən zaman aldığı xəsarətlərdən yolda keçinib.

Ə.Ağayevin ölümünün dəqiq səbəbini aydınlaşdırmaq üçün meyit məhkəmə tibb ekspertizasına təhvil verilib.

Faktla bağlı Zaqatala rayon Prokurorluğunda araşdırma aparılır.