Zəngilan polisi maarifləndirici tədbir keçirib - “Erkən nikaha yox deyək!” - FOTO

Zəngilan Rayon Polis Şöbəsinin təşkilatçılığı ilə Abşeron rayonunda yerləşən Zəngilan şəhərciyindəki Mədəniyyət Evində “Erkən nikaha yox deyək!” mövzusunda tədbir keçirilib.
Çıxış edən polis əməkdaşları və tədbirə dəvət olunmuş qonaqlar erkən nikaha qarşı görülən işlərdən söz açaraq, bu məsələ ilə bağlı həm yeniyetmə və gənclərimizin, həm də onların valideynlərinin məlumatlandırılmasının vacibliyini vurğulayıblar. Erkən yaşda qurulan nikahlarların yeniyetmələrin sağlamlığına, gələcək həyatlarına olduqca mənfi təsir göstərdiyini, bunun da öz növbəsində gələcəkdə ailədaxili problemlərin yaranmasına səbəb olduğu bildirilib. Bu probləmlərin baş verməməsi üçün gənclərin mütləq şəkildə təhsilə yönəlməsinin və mükəmməl savada yiyələnməsinin zəruriliyi diqqətə çatdırılıb.
Sonda iştirakçıları maraqlandıran suallar cavablandırılıb.