Ziyəddin Qasanovdan zəlzələ bölgəsinə 1 milyonluq yardım - FOTO - VİDEO

Dünya Axıska Türkləri Birliyinin başqanı Ziyəddin Qasanov Türkiyədə baş verən zəlzələylə bağlı yardım kampaniyasına qoşulub. Avtosfer.az xəbər verir ki, türk dünyasında sözün yaxşı mənasında səs-küy doğuran addımlarıyla seçilən xeyriyyəçi Türkiyənin fəlakət zonasındakı soydaşlarının acınacaqlı vəziyyətinə göz yummayıb.

Hər zaman insanlara əl tutan Ziyəddin Qasanov 1 milyon dollar məbləğində dəstəklə yanaşı, mənəvi yardım göstərməkdən də çəkinməyib.

Qeyd edək ki, 1995-ci ildən etibarən iş həyatına atılan xeyriyyəçi, 70 fərqli sahə üzrə fəaliyyət göstərən “Kassanov İnvestment Group”un rəhbəridir. Axıska Türklərinin Mədəniyyət Mərkəzinə  maddi və mənəvi dəstək kampaniyaları ilə başlayan Qasanov 1999-cu ildə həmən adlı dərnəyin başqanı seçilmişdir. 2013-cü ildə Qazaxıstan lideri Nazarbayevin başçılıq etdiyi parlamentə vitse-prezident təyin olunmuşdur.

Xatırladaq ki, cənab Ziyəddin Qasanov 44 günlük vətən müharibəsində öz komanda heyəti ilə Azərbaycana gələrək mənəvi dəstəyini əsirgəməmişdir.