22-ci mərtəbədən yıxılan məktəbli qız sağ qaldı

Moskvada məktəbli qız 22-ci mərtəbədən yıxılaraq sağ qalıb.

APA xəbər verir ki, bu barədə RİA Novosti-yə hüquq-mühafizə orqanlarındakı mənbə bildirib.

Hadisə paytaxtın Zaqoryevskaya küçəsində baş verib. Qız evin pəncərəsindən yıxılıb.

O, hazırda həkim nəzarətindədir. Faktla bağlı araşdırma başlayıb.

Mənbənin məlumatına görə, hər şey evdə keçirilən şənlik zamanı baş verib, qız sərxoş olub.