22-ci mərtəbədən yıxılan məktəbli qız sağ qaldı - VİDEO

Moskvada Zaqoryevskaya küçəsində yerləşən hündürmərtəbəli binada yeniyetmələrin içki məclisində bədbəxt hadisə baş verib.

Onlardan bir qrupu eyvanda olarkən səkkizinci sinif şagirdi olan qız içkinin təsiri alrtında müvazinətini itirərək 22-ci mərtəbədən yerə yıxılıb.

Xoşbəxtlikdən 14 yaşlı qız sağ qalıb və hazırda xəstəxanada həkimlərin nəzarəti altındadır.

Ona beyin silkələnməsi, qapalı kəllə-beyin travması, həmçinin qarın nahiyəsinin zədələnməsi kimi çoxsaylı diaqnozlar qoyulub.

İlkin məlumata görə, qızı ölümdən binanın önünə yığılmış qar topası xilas edib.