3-cü mikrorayonda dəhşətli qəza ilə bağlı – DYP-dən RƏSMİ AÇIQLAMA - VİDEO

Bu gün səhər saat 07:00 radələrində paytaxtın Nəsimi rayonunda yol-nəqliyyat hadisəsi baş verib.

Avtosfer.az xəbər verir ki, hadisə 3-cü mikrorayon dairəsi adlanan ərazidə qeydə alınıb.

Qəza ilə bağlı Avtosfer.az-a açıqlama verən Bakı şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli bildirib ki, hadisəyə səbəb avtomobilin sürüşməsi olub: “Sürüşmə nəticəsində maşın yol kənarındakı dəmir məhəccərə çırpılıb. Məhəccər isə zərbənin təsirindən yolun kənarında parklanan iki avtomobilin üzərinə düşüb ardınca idarəetməniçitirən sürücü daha iki maşına dəyib. Nəticədə ümumilikdə 5 nəqliyyat vasitəsinin iştirakı ilə zəncirvari qəza baş verib. Hadisə ilə bağlı araşdırma aparılır”.

Hadisə yerindən görüntüləri təqdim edirik: