“Araz” marketə görə səki zəbt olundu – Piyadalar üçün təhlükə yarandı - FOTO

Paytaxtda səki zəbt olunduğundan piyadalar çətinlik yaşayırlar.

Avtosfer.az xəbər verir ki, bu barədə piyadalardan biri redaksiyamıza müraciət edib.

Belə ki, Həsən Əliyev küçəsi ilə Azadlıq prospektinin kəsişməsində yerləşən “Araz” markeyin önündə parklanan 77-HR-483 qeydiyyat nişanlı “Mercedes Benz Atego” markalı yük maşını səkini zəbt edib.Fotolarda mağazaya yük boşaldığı aydın əks olunub. Nəticədə piyadalar yolun hərəkət hissəsinə keçməli olub ki, bu da onların həyatı üçün təhlükə yaradıb. Sakinlər bildirib ki, bu hal hər gün təkrarlanır. Mağazaya yük gətirilərkən səki zəbt olunur.

Məhəbbət Tərlanoğlu