Avtomobil təmiri sexində 9 avtomobil yandı - FOTO

Türkiyənin Ankara şəhərində avtomobil təmiri sexindəki 9 avtomobil yanıb. Avtosfer.az yerli mediaya istinadən xəbər verir ki, hadisə Etimesqut rayonunda baş verib.

Məlumata görə, avtomobil təmir sexinin önündə dayanan avtomobilin elektrik hissələrində yaranan nasazlıq səbəbindən yanğın baş verib. Yanğın qısa müddətdə alovlanaraq park edilmiş digər avtomobillərə də keçib.

Ətrafdakıların xəbər verməsindən sonra hadisə yerinə polis və yanğınsöndürmə qrupları gəlib.

Yanğın yanğınsöndürənlərin müdaxiləsi ilə nəzarət altına alınıb.

Hadisə nəticəsində yanan 9 avtomobil yararsız vəziyyətə düşüb.

Polis yanğın hadisəsi ilə bağlı araşdırma aparır.

Namiq Musayev