Azərbaycanda dövlət qoruğunun ərazisində yanğın olub

Qax rayonunun dağ-meşə ərazisində ərazində yanğın başlayıb.

Avtosfer.az xəbər verir ki, yanğın Qax rayonu Qum kəndi ərazisinə təqribən üç kilometr məsafədə yerləşən İlisu Dövlət Təbiət Qoruğunun ərazisində baş verib. Əraziyə İlisu Dövlət Təbiət Qoruğunun və Qax Meşə Mühafizəsinin əməkdaşları, Qum və Çinarlı kənd sakinləri, Qax Dövlət Yanğından Mühafizə Hissəsinin 50 nəfərlik şəxsi heyəti cəlb olunub. Ümumilikdə 100 nəfər yanğının söndürülməsi istiqamətində işlər aparıb və yanğın iki saatdan sonra lokallaşdırılıb. Hazırda yanğının daha geniş ərazilərə yayılmasının qarşısının alınması istiqamətində tədbirlər görülür. İlkin məlumatlara görə, yanğın nəticəsində qoruq ərazisində təqribən üç hektar ərazidə quru ağaclar yanıb.