Azərbaycanda sərnişin avtobusu piyadanı vurub

Bakının Sabunçu rayonunda yol qəzası zamanı bir nəfər xəsarət alıb.

Avtosfer.az xəbər verir ki, hadisə İvan Anaşkin küçəsində qeydə alınıb. Yolu keçən 1988-ci il təvəllüdlü Baxışov Əli Elqam oğlunu “Daewoo” markalı sərnişin avtobusu vurub. Yaralı xəstəxanaya çatdırılıb. Ona sağ baldır sümüyünün sınığı diaqnozu qoyulub. Faktla bağlı Sabunçu Rayon Polis İdarəsi araşdırma aparır.