“Azəriqaz”ın əməkdaşı fiziki hücuma məruz qalıb - FOTO - VİDEO

"Azəriqaz" əməkdaşı döyülüb.

“Azəriqaz” İB-dən Avtosfer.az-a verilən xəbərə görə, Vəliyev Ağamirzə Muradxan oğlu xidməti fəaliyyətini həyata keçirərkən fiziki hücuma məruz qalıb.    Belə ki,  abonentin öncədən ödənişli (smart-kart) qaz sayğacına baxış keçirilərkən qüsurla işləməsi aşkarlanıb. Bu səbəbdən əvəzlənməsi üçün abonent məlumatlandırılıb. Lakin bir neçə gün keçməsinə baxmayaraq sayğacın əvəzlənməsinə istehlakçı tərəfindən şərait yaradılmayıb. Bu gün əməkdaşımız Ağamirzə Vəliyev təkrar olaraq ərazi üzrə xidməti vəzifəsini yerinə yetirərkən abonentin hücumuna məruz qalıb. Bu hadisə ilə bağlı artıq hüquq mühafizə orqanlarına müraciət olunub.