Bakıda narkomanların “bariqa”ya yalvarışları – Vatsap yazışmaları

Bakı Ağır Cinayətlər Məhkəməsində narkotik satışı ilə məşğul olan 1989-cu il təvəllüdlü Fariz Quliyevin (soyad şərtidir) məhkəmə prosesi başa çatıb. Avtosfer.az-ın “Konkret.az”a istinadən məlumatına görə, məhkəmədə narkotik satışı ilə məşğul olan şəxsin vatsap yazışmaları da sübut kimi təqdim olunub.

Qarda köməyə gələn evakuator yolsuzluq avtomobilinə qorxunc anlar yaşatdı - VİDEO

Fariz Quliyevə narkotik üçün müraciət edənlərdən bir neçəsinin mesajını təqdim edirik:

– Qaqa, nəsə var? Zəng vurmağa utandım. Yanımda pullu uşaq var idi, o da getdi.
– Fariz “lomka”dan donuruq, alınmırsa, pulu qaytar, camaatı yola salım getsin.
– Fariz, cavab ver, qaqa, hörmətsizlik edilir burada. Ağrıdan ölürəm, pul tapmağa halım yoxdur.
– Fariz, mənim küçədə yaşadığımı, pulu nə zülmlə tapdığımı görüb pulumu apardım. Mənə əl at, “lomka”dayam.
– 10 manatagörə belə eləməyin düzgün deyil. Məni bu vəziyyətdə qoymağın…
– Əlimdə “tema” da oldu, mənim pulumu vermədin.
– Ölürəm, qaqa, artıq hərəkət etməyə gücüm çatmır.
– Qaqa, əgər imkan olsa, mənə bir dənə ondan saxlayarsan.
– Fariz, qadanalım, mənə bir söz de, çox pis haldayam.
– Qaqa, yolun içində qalmışam. Allah uzaq eləsin, tutularam. “İçəri”dən yeni çıxmışam.

Qeyd edək ki, məhkəmənin hökmünə əsasən, F.Quliyev 5 il müddətinə azadlıqdan məhrum edilib.