Bakıda qəzalı vəziyyətdə olan binanın üzlük daşları avtomobillərin üzərinə düşüb - VİDEO

Bakıda binadan qopan daş parçaları sakinlərin avtomobillərinə ziyan vurub.

Hadisə Suraxanı rayonu, Zığ şossesi küçəsində qeydə alınıb.

43 nömrəli binanın üzlük daşı güclü külək nəticəsinə qoparaq, həyətdə park edilmiş avtomobillərin üzərinə düşüb.

Sakinlər binanın yararsız vəziyyətdə olduğunu deyirlər. İddia edirlər ki, dəfələrlə aidiyyəti qurumlara müraciət etsələr də, nəticəsi olmayıb.

Suraxanı Rayon Mənzil Kommunal Təsərrüfat Birliyindən bildirilib ki, məsələ araşdırılacaq və müvafiq tədbirlər görüləcək.

Sakinlər problemin qısa zamanda aradan qaldırılacağına ümid edirlər.