Bakıda restoranın lifti qırıldı: Xəsarət alanlar var

İçərişəhərdə yerləşən restoranlardan birində lift qırılıb.

Kliniki Tibbi Mərkəzdən Avtosfer.az-a verilən məlumata görə, hadisə nəticəsində iki nəfər ağır xəsarət alıb. Hər iki şəxs təcili tibbi yardım maşını ilə mərkəzə gətirilib. Qeyd edək ki, 1978 və 1988-ci il təvəllüdlü şəxslər hadisə nəticəsində çoxsaylı travmalar alıblar. Onların fəqərə, çanaq, baldır, bazu sümüklərində sınıq və çıxıqlar var. Xəsarət alanlar reanimasiyaya yerləşdiriliblər.