Bakıda üç avtomobil toqquşub, ağır xəsarət alanlar var - FOTO

Bakının Nəsimi rayonun yol qəzası baş verib.

Avtosfer.az xəbər verir ki, hadisə Həsən Əliyev və Səməd Vurğun küçələrinin kəsişməsində qeydə alınıb. “BMW” markalı nəqliyyat vasitəsi kəsişmədən keçərkən “Toyota” və “Mitsubishi” markalı avtomobillərə çırpılıb. Toqquşma zamanı “BMW” aşıb. Hadisə nəticəsində aşan avtomobilin sürücüsü ağır xəsarət alaraq avtomobildə sıxılı vəziyyətdə qalıb. Buna görə, əraziyə FHN-in Xüsusi Riskli Xilasetmə Xidmətinin əməkdaşları cəlb edilib. Sürücü deformasiya olmuş avtomobildən çıxarılaraq təcili yardım briqadasına təhvil verilib. Bundan başqa “Toyota” markalı nəqliyyat vasitəsinin sürücüsü də xəstəxanaya çatdırılıb.