Baş Prokurorluqdan Sumqayıtda ana və uşaqlarının zəhərlənməsi ilə bağlı AÇIQLAMA

Sumqayıt şəhərində dörd nəfərin zəhərlənməsi ilə bağlı araşdırma aparılır.

Avtosfer.az xəbər verir ki, Baş Prokurorluğun Mətbuat Xidmətindən məlumat verilib.

Bildirilib ki, mayın 21-də Sumqayıt şəhərində ana və üç azyaşlı övladının dərman zəhərlənməsi diaqnozu ilə xəstəxanaya yerləşdirilmələri faktı ilə bağlı Sumqayıt Şəhər Prokurorluğunda araşdırma aparılır.

Qeyd edək ki, hadisə Sumqayıt şəhərinin 13-cü mikrorayon ərazisində qeydə alınıb. 1988-ci il təvəllüdlü Sevgül Əllədin qızı İsgəndərova yaşadığı mənzildə dərman vasitəsilə üç uşağını zəhərləyib. Daha sonra o, özü də həmin həbləri qəbul edərək zəhərlənib.