Cəbrayıl rayon sakinlərindən narkotik vasitə götürülüb - FOTO

Cəbrayıl Rayon Polis Şöbəsinin əməkdaşları tərəfindən keçirimiş tədbirlər nəticəsində narkotik vasitənin qanunsuz dövriyyəsində şübhəli bilinən şəxslər müəyyən edilib.
DİN-in Mətbuat Xidmətinin Bərdə regional qrupundan Avtosfer.az-a verilən məlumata görə, daxil olmuş məlumat əsasında RPŞ-nin əməkdaşlarının keçirdiyi əməliyyat-axtarış tədbirləri nəticəsində narkotik vasitənin qanunsuz dövriyyəsində şübhəli bilinən rayon sakini, əvvəllər məhkum edilmiş Sahil  Rüstəmov saxlanılıb. Onun üzərinə baxış zamanı narkotik vasitə olan marixuana aşkar edilərək götürülüb. S.Rüstəmovun ətrafında davam etdirilən tədbirlərlə narkotik vasitəni rayon sakini Mehman Abbasovdan aldığı müəyyən edilib və o, polis əməkdaşları tərəfindən saxlanılıb. Onun üzərindən narkotik vasitə olan marixuana aşkar edilərək götürülüb. M.Abbasovun da öz növbəsində narkotiki tanışı, digər rayon sakini Fariz Quliyevdən aldığı müəyyən olunub. Polis əməkdaşları tərəfindən davam etdirilən əlavə tədbirlərlə əvvəllər dəfələrlə məhkum edilmiş F.Quliyev də saxlanılıb. Onun üzərinə və kirayə yaşadığı ünvana baxış keçirilən zaman marixuana aşkarlanaraq götürülüb.
 
Faktla bağlı Cəbrayıl RPŞ-də araşdırmalar davam etdirlir.