Dindarları, qadın və uşaqları daşıyan avtobus yandı: 9 ölü, 15 yaralı

Hindistanda dindarları, qadın və uşaqları daşıyan avtobus yanıb. Avtosfer.az xarici KİV-ə istinadən xəbər verir ki, hadisə mayın 18-də Haryana ştatında baş verib.

Məlumata görə, Pəncab əyalətindən olan hindu dindarların, aralarında qadın və uşaqların olduğu ümüumilikdə 60 nəfərin olduğu avtobus hərəkətdə olarkən anidən yanmağa başlayıb.

Nəticədə 9 nəfər ölüb, 15 nəfər isə yanıq xəsarətləri alıb.

Yaralılar hadisə yerinə cəlb edilən ambulanslarla xəstəxanaya yerləşdirilib.

Hadisənin hansı səbəbdən baş verdiyi araşdırılır.

Namiq Musayev