Əhmədlidə yolu qaçaraq keçən azyaşlı yük maşınına çırpıldı - ANBAAN VİDEO

Xətai rayonu Məhəmməd Hadi küçəsində piyada vurulmasıyla nəticələnən qəza baş verib. 
Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Belə ki, anasıyla yolu təyin olunmamış yerdən keçən uşaq, “Mercedes” markalı yük maşınına çırpılıb. Görüntüdə də aydın olduğu kimi, azyaşlı anidən qaçaraq yolu keçməyə çalışır. Bu zaman hərəkətdə olan yük maşını onu vurur. Xoşbəxtlikdən hadisə zamanı piyada yüngül xəsarət alıb.
Təəssüflə qeyd edək ki, bu cür bədbəxt hadisələr adətən piyadaların qaydalara riayət etməməsindən və valideyn səhlənkarlığından baş verir.

Nərmin