Eskalatorun məhəccərində oturan qadın faciəvi şəkildə öldü - ANBAAN VİDEO

Çində ticarət mərkəzində baş verən faciəvi qəzada gənc qadın eskalatorun məhəccərinə oturmaq istəyərkən dördüncü mərtəbədən yıxılaraq ölüb.

Avtosfer.az xəbər verir ki, qadının faciəvi şəkildə ölümü təhlükəsizlik kamerası tərəfindən anbaan əks olunub.

Hadisənin baş verdiyi ticarət mərkəzinin təhlükəsizlik tədbirləri fəlakətdən sonra sorğulanmağa başlayıb.

Yerli KİV-in məlumatına görə, insident noyabrın 16-da Çinin Cinin şəhərindəki "Wanxianghui" ticarət mərkəzində baş verib. 

Hadisədən sonra bildirilib ki, təbii fəlakətdən cəmi on gün əvvəl bina təhlükəsizlik yoxlamasından keçib, qəza çıxışları və təxliyyə kanalları da daxil olmaqla kompleksdə yoxlamalar aparılıb. Qəzadan sonra ərazi sakinləri ticarət mərkəzində təhlükəsizlik tədbirlərini şübhə altına almağa başlayıblar. (musavat.com)

Sözügedən hadisənin görüntülərini təqdim edirik.