Gəncədə avtobus piyadanı vurub, vəziyyəti ağırdır

Gəncədə piyadanın vurulması ilə nəticələn yol qəzası baş verib.

Avtosfer.az xəbər verir ki, hadisə Nizami Gəncəvi prospektində qeydə alınıb. Hərəkətdə olan 11 saylı xətt üzrə işləyən "İsuzu" markalı avtobus yolu keçmək istəyən 1975-ci il təvəllüdlü Əliyev Samir Mustafa oğlunu vurub. Piyada xəstəxanaya yerləşdirilib, vəziyyətinin ağır olduğu bildirilir. Faktla bağlı araşdırma aparılır.