Hacıqabulda 14 yaşlı yeniyetmə bıçaqlanıb

Yetkinlik yaşına çatmayan şəxslər arasında yaranan mübahisə zamanı bir yeniyetmənin xəsarət alması faktı ilə bağlı müvafiq ekspertiza təyin olunub.

DİN-in Mətbuat Xidmətinin Şirvan regional qrupundan APA-nın sorğusuna cavab olaraq bildirilib ki, əməli törədən şəxs məlumdur. Ekspertizanın rəyindən asılı olaraq əmələ hüquqi qiymət veriləcək.

Araşdırmalar davam etdirilir.

*** 15.10

Hacıqabulda 14 yaşlı yeniyetmə bıçaqlanıb. APA-nın məlumatına görə, Hacıqabul sakini, 2010-cu il təvəllüdlü Qoçaliyev Əli bıçaqlanma diaqnozu ilə Şirvan xəstəxanasına yerləşdirilib və əməliyyata götürülüb. Onun hansı şəraitdə və kim tərəfindən bıçaqlandığı aydınlaşdırılır.

Faktla bağlı Hacıqabul polisi tərəfindən araşdırma aparılır.