İmişli və Biləsuvarda yol qəzaları baş verib, iki nəfər həlak olub - VİDEO

İmişlidə hərəkətdə olan minik avtomobili yoldan çıxaraq su kanalına aşıb.

Avtosfer.az-ın məlumatına görə, yol-nəqliyyat hadisəsi səhər saatlarında İmişli-Qaravəlli-Mirili avtomobil yolunun Qaravəlli kəndindən keçən hissəsində baş verib. Cəlilabad sakini 44 yaşlı Bəxtiyar Abasovun idarə etdiyi minik avtomobili idarəetmədən çıxaraq kanala düşüb. Nəticədə sürücü dünyasını dəyişib. Hadisə yerinə cəlb olunan xilasetmə qüvvələri sıxılı vəziyyətdə qalan sürücünün meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər. Biləsuvarda isə Nəsimikənd kəndində 43 yaşlı Yavər Şükürovün idarə etdiyi motosiklet minik avtomobili ilə toqquşub. İdarəetməetmədən çıxan minik avtomobili isə yük avtomobilinə çırpılıb. Qəza nəticəsində motosikletçi hadisə yerində dünyasını dəyişib. Minik avtomobilinin sürücüsü 32 yaşlı Taleh Ağayev isə xəsarət alıb. Hər iki faktla bağlı araşdırma aparılır.