İnsanlara qılıncla hücum edilib: 1 ölü, 4 yaralı - FOTO

Londonun şərqində, Heinult adlanan bölgədə qılıncla silahlanmış şəxs insanlara hücum edib.

“Azərtac” xəbər verir ki, hadisə nəticəsində ikisi polis olmaqla ümumilikdə 4 nəfər yaralanıb. 14 yaşlı yeniyetmə aldığı xəsarətlərdən xəstəxanada ölüb.

Polisin məlumatına görə, qılıncla hücum edən 36 yaşlı şəxs saxlanılıb və hadisə ilə bağlı araşdırma aparılır. Hücumun terror aktı olduğu ehtimal edilmir.