Kabildə məsciddə partlayış olub, 50 nəfərə qədər insan ölüb

Əfqanstanın paytaxtı Kabildə məsciddə partlayış olub.

Avtosfer.az-a “Reuters“ə istinadən xəbər verir ki, hadisə nəticəsində 50-dək insan ölüb. Əfqanıstan mətbuatının verdiyi məlumata görə, partlayış Dar-ül-Aman küçəsi yaxınlığındakı Xəlifə Sahib məscidində namazdan sonra baş verib. Taliban hərəkatının yaratdığı müvəqqəti hökumət partlayışı pisləyib. Qeyd olunub ki, müqəddəs Ramazan ayında bu cür hadisənin baş verməsi yolverilməzdir.