Kürdəmirdə maşın yoldan çıxaraq aşıb, xəsarət alanlar var - FOTO

Kürdəmirdə yol qəzası baş verib. Hadisə Ağsu-Kürdəmir-İmişli yolunun Kürdəmir rayonunun Çöl-Ərəb kəndindən keçən hissəsində qeydə alınıb. Zərdab rayon sakini Zamiq Sarvan oğlu Hüseynovun idarə etdiyi "KİA" markalı avtomobil yoldan çıxaraq bir neçə dəfə çevrilib və yol kənarına aşıb. Hadisə zamanı sürücü və iki sərnişin müxtəlif dərəcəli bədən xəsarətləri alıblar. Xəsarət alanlar dərhal təcili tibbi yardım maşını ilə Kürdəmir rayon Mərkəzi Xəstəxanasına aparılıb.

Avtosfer.az xəbər verir ki, yaralananlar Zərdab rayon sakinləri Hüseynov Sərxan Əbülfət oğlu, Hüseynova Gülüstan Hamlet qızı və sürücü Hüseynov Zamiq Sarvan oğludur.

Faktla bağlı araşdırma aparılır.