Maşının şüşəsini sındırıb, sürücünü döydülər – FOTO

İki sərxoş şəxs park edilən avtomobilin şüşəsini kərpiclə sındırıb, sonra isə sahibini döyüblər.

Avtosfer.az-ın məlumatına görə, hadisə Rusiyada mayın 11-də baş verib.

Belə ki, Çevik reaksiya qrupunun (RRT) əməkdaşları restoranların birindən həyəcan siqnalı verildikdən sonra, obyektə yollanıblar. Onlar hadisə yerinə gələndə müəssisənin əməkdaşları üç sərxoş müştərini binadan çıxarmağı xahiş ediblər. Sərxoş qonaqlar redtorandan çıxarılıb. Onlardan biri evə gedib, digər ikisi isə başqa istiqamətə yola düşüblər. Qrup üzvləri bu şəxslərdən şübhələnərək onları izləməyə başlayıblar.

Sərxoşlar öncə kərpiclə park edilən “Honda” markalı maşınının şüşəsini sındırıblar. Daha sonra isə zədələnmiş avtomobilin sahibinə hücum edərək onu döyməyə başlayıblar.

Çevik reaksiya qrupunun (RRT) əməkdaşları təcavüzkarları zərərsizləşdirərək polisə təhvil veriblər. 

Məhəbbət Tərlanoğlu