Min nəfərin olduğu ziyafətdə atışma, ölənlər və yaralılar var

ABŞ-ın cənubundakı Alabama ştatında baş verən atışmada 3 nəfər ölüb, ən azı 12 nəfər yaralanıb.

“Report” xəbər verir ki, bu barədə Baldvin dairəsinin müstəntiqi Andre Reyd “WALA-TV”yə bildirib.

Onun sözlərinə görə, silahlı insidentin qeydə alındığı Stokton bölgəsindəki ziyafətdə min nəfər olub. A. Reyid əlavə edib ki, ölənlərin və yaralıların əksəriyyəti gəncdir.

Qeyd edək ki, Stoktonun təxminən 400 nəfər əhalisi var.