Nəsimi Nəbizadənin qardaşı həbs olundu - 13 kq narkotik maddə ilə...

Sumqayıt Şəhər Polis İdarəsinin əməkdaşları tərəfindən narkotiklərin qanunsuz dövriyyəsinə qarşı əməliyyat keçirilib.

DİN-in Mətbuat Xidmətindən Avtosfer.az-a verilən məlumata əsasən, tədbir zamanı Saray qəsəbə sakinləri, əvvəllər narkotiklərlə əlaqəli cinayətə görə məhkum olunmuş 48 yaşlı Elnur Nəbizadə, 39 yaşlı Tərlan Talıbov və 35 yaşlı Yusif Cəbrayılov saxlanılıblar.

Onlardan 12 kiloqram 962 qram narkotik maddə marixuana aşkarlanıb.

Faktla bağlı cinayət işi başlanılıb. Hər 3 şəxs barəsində məhkəmənin qərarı ilə həbs qətimkan tədbiri seçilib.
Araşdırmalar davam etdirilir.

Yenilik.az-ın verdiyi məlumata görə, polis tərəfindən saxlanılan Elnur Nəbizadə iki gündür realibitasiya mərkəzindən qaçması ilə gündəmdə olan sabiq teleaparıcı Nəsimi Nəbizadənin qardaşıdır.