Paytaxtda piyada keçidindən oğurluq edənin daha bir cinayəti üzə çıxdı
Hadisə 20 Noyabr 2021 15:20 Oxunub 490
Paytaxtda piyada keçidindən oğurluq edənin daha bir cinayəti üzə çıxdı

Xətai Rayon Polis İdarəsinin 34-cü Polis Şöbəsinin əməkdaşları tərəfindən silsilə oğurluq edən şəxslər müəyyən edilib.

Daxili İşlər Nazirliyinin (DİN) Mətbuat Xidmətindən verilən xəbərə görə, noyabrın 12-də Hövsan qəsəbəsi ərazisindəki yerüstü piyada keçidinin pəncərələrini və çərçivə dayaqlarını, həmçinin rayon ərazisindəki bir evdən 2 560 manat dəyərində inşaat materiallarını oğurladığına görə tutulan R.Məmmədovun ətrafında əməliyyat tədbirləri aparılıb.

Belə ki, onun T.Həmidov və digər bir nəfərlə birlikdə noyabrın 9-da rayon ərazisində kirayədə yaşayan bir qadının mənzilinə daxil olub hədə-qorxu gəlməklə 1 700 manat pulunu və 2 000 manat dəyərində qızıl-zinət əşyalarını almaları da müəyyən edilib.

Polis əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş T.Həmidov da saxlanılıb.

Şəxsi axtarış zamanı ondan heroin aşkar edilərək götürülüb.

ŞƏRH YAZ
Ad

E-mail

Şərh