Prokurorluq Şabran sakininin aldadılmasını araşdırır
Hadisə 7 Aprel 2022 20:00 Oxunub 736
Prokurorluq Şabran sakininin aldadılmasını araşdırır

Baş Prokurorluq Şabran rayon sakininin aldadılaraq adına VÖEN açılması faktına münasibət bildirib.

Avtosfer.az xəbər verir ki, Baş Prokurorluğun mətbuat xidmətindən bildirilib ki, Şabran rayon sakini Elvin Rəsulovun tanışı tərəfindən aldadılaraq vergi ödəyicisi kimi qeydə aldırılması, adından müəyyən idxal əməliyyatlarının həyata keçirilməsi və nəticədə külli miqdarda vergi borclarının yaranması ilə bağlı Baş Prokurorluq və İqtisadiyyat Nazirliyi yanında Dövlət Vergi Xidmətinin aidiyyatı strukturları ilə birgə araşdırma aparılır. Araşdırma nəticəsində qanuni qərarın qəbul edilməsi təmin ediləcək. Xatırladaq ki, Şabran şəhər Cəlil Məmmədquluzadə küçəsi, ev 4 ünvanında yaşayan Elvin Rəsulov vaxtilə bir yerdə xidmət etdiyi əsgər yoldaşı Allahverən Musayev tərəfindən aldadıldığını iddia edib. O bildirib ki, kredit almaq üçün Allahverən Musayevdən kömək istəyib. O da fürsətdən istifadə edib, Elvindən etibarnamə alaraq onun adına VÖEN açdırıb. Sonradan məlum olub ki, təxminən iki il əvvəl Allahverən Musayev, Elvini aldadandan sonra onun adına xaricdən mal gətirib. Bundan sonra Elvinin adına vergi borcları yığılıb. Elvinə 100 min manatdan çox vergi borcu olduğu bildiriləndən sonra o, tanışı Allahverənlə heç cür əlaqə qura bilməyib.

ŞƏRH YAZ
Ad

E-mail

Şərh